خطوات ترتيب الرغبات تنسيق الدبلومات الفنية

شرح طريقة التقديم على موقع تنسيق الدبلومات

حاول تقرء بتركيز ولو عندك اى استفسار اكتبه فى تعليق هنا👇👇 او على البيدج، طريقة ترتيب 75 رغبة حتى تصل الى رغبتك فى الترشيح.

الخطوة الأولى بعد فتح موقع التنسيق الإلكترونى لطلاب الدبلومات الفنية الجامعات والكليات والمعاهد، سيطلب منك رقم جلوسك ورقمك السري لتسجيل رغباتك بالترتيب، وللحصول على رقمك السرى فيمكنك الحصول عليه من استمارة النجاح التى تسلمتها من المدرسة، والمكتوب بالمكان الموضح بكلمة الرقم السري.

ناس كتير مش فاهمة طريقة التقديم وإزاي يتم التنسيق أو ترتيب الكليات وايه هيحصل، بص معايا كده وركز ابوس دماغك عشان الطالب ممكن يتسبب فى مشاكل كتير، زى مثلا ان مجموعك 95% وساكن فى القاهرة وتلاقى نفسك اتقبلت فى معهد لاسلكى فى الوادى الجديد بسبب ترتيب خطأ.

اولا التنسيق بيكون مع المرحلة الثالثة من تنسيق الثانوية العامة، الدبلومات لها نسبة 10 % من نسبة الثانوية العامة، بمعنى كل 100 طالب ثانوى يقابلهم 10 من الدبلومات بحسب المجموع، موقع التنسيق بيكون مفتوح فى المرحلة على مدار 24 ساعة لمده خمس أيام متواصلة، ومسموح لك تكتب الرغبات في أي وقت في الخمس ايام، وتقدر تغير الرغبات في أي لحظة على مدار الخمس ايام.

• موعد بدء التسجيل في تنسيق الدبلومات الفنية

• درجات تنسيق دبلوم صنايع نظام ثلاث وخمس سنوات

  تنسيق الدبلومات الفنية | موعد التقديم ودرجات الكليات والمعاهد بعد الدبلوم التجارى

• قائمة باسماء الجامعات والمعاهد المعتمدة بوزارة التعليم العالي

  شروط التقديم لمعادلة كلية التجارة

• درجات تنسيق دبلوم زراعة نظام ثلاث وخمس سنوات والمعاهد لجميع الدبلومات

كيفية كتابة الرغبة الأولى في ترتيب تنسيق الدبلومات؟

• بص معايا كدة ونفهم بالراحة، الطالب مسموح له يكتب 75 رغبة.
• هو انا مش هكتب الكلية او المعهد اللى انا عايزه وخلاص؟
• لا طبعا انت لازم تبدع فى الترتيب عشان رغبتك هى اللى تتقبل فى الترشيح.
• طب انا محافظتى تنسيقها امتى؟
• انسى كلام ثانوى ده التنسيق موحد على مستوى الجمهورية.
  
• طيب هو انا بكون عارف كل كلية هتاخد من كام قبل ما اكتب رغباتي؟
• لا طبعا يا مؤمن مش بتكون عارف.
• اومال هكتب رغباتي ازاي بقا؟؟
• هتكتب حسب التوقعات الي بتنزل عشان كدة لازم تجهز على الاقل 80 رغبة وتعرف ترتيب كل واحدة منهم بالنسبة لك ازاى.
• مش قولنا 75 رغبة ليه بتقول 80 دلوقتى؟
• عشان يبقى معاك احتياطى لو التنسيق اتحرك نسبة واحد % اعلى او اقل.
• اجيب التوقعات دى منين؟
• هنبسطهالك هتلاقى على الموقع كل اللى انت محتاجة وكل صفحة تدخلها هتلاقى لينك تانى لموضوع تانى.
• طب فى احتمال يبقوا اقل من 75 رغبة؟
• ايوا فى احتمال بس غالبا كل سنة هما 75.
• هو ده تنسيق السنادى ولا تنسيق السنة اللى فاتت؟
• التنسيق من 7 سنين مش بيتغير ولو اتغير بيتكون النسبة نص% او واحد% مش اكتر ماتعتمدش على الموضوع ده.
  
• الرقم السري هتلاقيها فى الاستمارة اللى هتكون موجودة فى المدارس، و تقدر تستلمها من المدرسة.
• أهم حاجة لازم تكون واقعي وإنت بتكتب رغبات تنسيق الاختيارات، يعني انت جايب 88% اكيد طبعاً المجموع ده مش يجيب مجموع معهد فني صحى مثلا خالص، يبقي مش تروح تكتبلي معهد فني صحى في الرغبات، ليه بقا عشان حضرتك لو كتبت لي كل معاهد فني صحى وبعد كده كل كليات تكنولوجيا وبعد كده كل كليات تجارة كده هتكون كتبت حوالي 75 رغبة، وممكن مجموعك مش يجيب مجموع اي رغبة من الي كتبتها وفي الحالة دي بيحصل حاجه اسمها ( استنفاذ الرغبات )، ويكون راح على الطالب تنسيق المرحلة بالرغم من انه ممكن يكون جايب مجموع كلية 90% بس انت بتضيعها من ايديك، وبكده احنا اتفقنا انك لازم تكون منطقى في كتابة الرغبات.

انا اعرف ازاي ترتيب الرغبات ال 75 رغبة بتوعي؟

الرغبات بتكون مقسمة ل 3 اجزاء، الجزء الاول ده بيكون متاح ليك 7 كليات الي هم أقرب 7 كليات لمحافظتك، ونركز أن يكونوا مناسبين للمجموع ونراعى ترتيب وتنسيق الجامعات فى الرغبات، لازم تكتبهم الاول يعني انا من القاهرة وهكتب الرغبة الاولي فنى صحى، يبقي هيكون متاح لي اقرب معاهد فنى لسكنى بعد كدة الأقرب من المحافظات وهكذا بمعنى ( أنك لازم تكتب محافظتك اول رغبة ).

القطاع التاني بيكون متاح ليك شوية كليات ابعد عن محافظتك شوية.

القطاع الثالث بيكون متاح ليك الكليات البعيدة خالص خالص عن محافظتك فتلاقيها حاجة فى الوادى او اسوان وهكذا مثلا هى المناسبة ليك ، يعني انا مجموعي 92% يبقي هكتب رغباتي كده.

اول حاجة الكليات و المعاهد التى تناسب مجموعى كلها علي مستوي الجمهوريه، وتكون ملتزم بالتوزيع الجغرافي اللي قلنا عليه فوق وليكن مثلا كل معاهد فني علي مستوي الجمهوريه، يعنى ما تكتبش الرغبة الأولى معهد فنى المنصورة وتروح كاتب الرغبة الثانية تكنولوجيا المنصورة غلط،👎👎 رتب الكلية والمعاهد مش ترتب الجامعة. 

بعد كده اكتب كل الكليات او المعاهد المفضلة ليك علي مستوي الجمهوريه وليكن مثلا 15 كلية، كده انت كاتب 35 رغبة وهتكمل باقي المعاهد والكليات لحد ما تخلص تسجيل ال 75 رغبة بتوعك.

طيب وبعد كده بيحصل ايه يا مؤمن التنسيق بيقفل لمده 48 ساعه ويبدا يوزع كل الطلاب علي الكلية المناسبة لمجموعهم ، وبناء على ترتيب الرغبات.

طيب ازاى بيحصل التنسيق؟ الموقع بيشوف اول رغبة لو انت مش جايب مجموعها ينزل على الرغبة الثانية ولو انت مش جايب مجموعها ينزل على الرغبة الثالثة لحد ما يلاقي الرغبة المناسبة لمجموعك، باختصار انك لازم تكتب الرغبة الاولى اكتر كليه انت عايزها مناسبة لمجموعك.